Афганистаны ерөнхийлөгч цагдаагийн дарга нараа халжээ

Автор | Zindaa.mn
2015 оны 03 сарын 03

Афганистаны цагдаагийн газрын 12 нэр хүндтэй өндөр албан тушаалд суудаг цагдаагийн даргыг ажлаас нь чөлөөлж байгаагаа ерөнхийлөгч Ашраф Гани мэдэгдлээ. Тэдгээр цагдаагийн дарга нар Кабул хотын 17 дүүргийн цагдаагийн газрын удирдлага байсан бөгөөд бүгд олон улсын гэмт хэрэгтнүүд, зэвсэгт дайчидтай холбоо сүлбээтэй ажиллаж байсан гэх шалтгаанаар албан тушаалаа өгсөн байна.  

Өнгөрсөн есдүгээр сараас хойш ерөнхийлөгч Ашраф Гани улсад нь цэцэглээд байгаа авлигын хэргийг таслан зогсоохоо мэдэгдэж, хэд хэдэн хүнийг үүрэгт ажлаас нь чөлөөлөх тухай ярьж байсан юм.  Ерөнхийлөгч Ганигийн шийдвэрийн дараа Кабул хотод цагдаагийн өндөржүүлсэн бэлэн байдал зарлажээ. Эх сурвалжуудын мэдээлснээр эдгээр цагдаагийн дарга нарыг эрүүгийн хэрэг үүрүүлэх нөхцөл бүрэлдсэн төдийгүй нэг нэгээр нь яллаж магадгүй аж.

Т.Бат

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
өндөр болгох нууц (112.72.13.93)  2015 оны 03 сарын 03

15-35 насныханд зориулсан ӨНДӨР БОЛГОХ НУУЦ номыг ИНТЕРНОМ, МИР, МАЖЕСТИК, АЗ ХУР, АЛТАНТӨГРӨГ, ГОЛДЭН БҮҮК номын дэлгүүрээс худалдан аваарай. Үнэ: 22 000₮

0  |  0
Top