Немцовыг хөнөөсөн хэрэг илэрч эхэллээ

Оросын цагдаагийн алба шуурхай ажиллаж сөрөг хүчний тэргүүн Борис Немцовыг хөнөөсөн сэжигтнүүдийг баривчилсан юм. Хуулийнхан ч тэднийг байцааж эхэлсэн бөгөөд хоёр сэжигтний тухай хэвлэлийхэн мэдээлсээр байна. Борисыг буудсан Зайур Дадаев гэгч этгээд өнгөрсөн сарын 27-ны өдөр Кремлийн ойролцоо байшингаас гэмт хэргээ үйлдсэн гэдгээ хүлээн зөвшөөрчээ. Харин хэрэгт холбоотой өөр нэг этгээд бол Чечень гаралтай Анзор Губашев юм.

Түүнчлэн хэрэгт холбоотой гурав дахь этгээд ч баригдлаа. Харин Борисыг буудсан хэрэгт оролцосн зургаа дахь эрийг баривчлахыг өмнө Чечений Грозний хотод өөрийгөө хороосон нь илэрхий болжээ.

Түүнийг цагдаа нар баривчлахын өмнө тэрээр гренат дэлбэлж амиа егүүтгэсэн тухай Интерфакс агентлагт бичжээ.

 Немцов бол Оросын шилдэг либерал үзэлт улстөрч байв. Тэрээр 55 наслахдаа Оросын одоогийн засгийн эрх баригчдыг хүчтэй шүүмжлэгчдийн нэг байсан ба амиа алдахын өмнө Кремлийн ойролцоо найз бүсгүйнхээ хамт зугаалж явсан билээ.

Т.Бат