Египетийн шүүх 700 хүнд цаазын ял өгөв

Египетийн дээд шүүх нийт 683 хүнд холбогдох хэргийг бөөнд нь шүүн хэлэлцэж, бүгдэд нь цаазаар авах ял оноожээ. Учир нь эдгээр эрчүүд 2011 оны Египетийн хувьсгалын үеэр үймээн самуун дэгдээж, бусдыг эмх замбараагүй байдалд уруу татсан гэсэн үндэслэлээр шүүх танхимд дуудагдсан байна.

 Энэхүү үйл явдал нь Египетэд хүний эрх хэрхэн зөрчигддөг, шүүх засаглалын тогтолцоо нийтээр нь яллах жишиг ямархуу түвшинд байдгийг харууллаа гэж Олон Улсын хүний эрхийн байгууллага шүүмжлэв. Мөн 683 хүнийг цаазаар аваачих ял төлөвлөснөөс гадна 492 эрийг 25 жил хорих шийдвэр гаргасан юм. Эдгээр бүхий л хэрэгтнүүд Египетийн хувьсгалд гар бие оролцсон хэрэгт буруутгагдаад байна.

 Т.Бат