Дампуурсан Монголын гарц нь газар нутаг, байгалийн баялгаа үнэгүй өгөх үү

Монгол Улс дампуурах хамгийн өндөр эрсдэлтэй орнуудын тоонд багтсаныг бид өмнө нь мэдээлж байсан билээ. Гадаадын эдийн засгийн шинжээчид ийм мэдээлэл хийсэн бол дотоодын шинжээчдийн үзэж буйгаар Монгол Улс 2016-2017 онд бүр ч илүү хямарч үндсэндээ бараг дампуурлаа зарлах гэнэ. Монгол Улс 2016 онд парламнетын сонгууль, 2017 онд Ерөнхийлөгчийн сонгуультай. Энэ хоёр сонгуулийн өмнө болон дараачаас Монгол Улсын дампуурлын талаархи олон баримт дэлгэгдэх бололтой. Нөгөө талаас сонгууль дөхөөд ирэнгүүт улстөрийн нам оршин тогтнохын тулд нийгмийн халамжийн том амлалт өгдөг. Сонгуулиас сонгуулийн хооронд улам томорсон амлалт экспортын ашиг орлогоос хэдийнэ давсан. Нөгөө талаас өнгөрсөн 2012 оноос хойш 3-хан жилийн дотор сүүлийн 20 жилд тавиагүй гадаад өр тавьсан Монгол Улсыг дампуурна, дампуурахад үед хийх алхмуудаа бэлдэж сууна. Хэдэн жилийн өмнө гадаад өрөө тэглэсэн хэмээн баярлаж суусан Монгол Улс  дахин томоохон хэмжээний гадаад өртэй болсон бөгөөд Монгол Улсыг Грекийг араас орж байна гэж гаднын шинжээчид хэлж байна. Нөгөө талаас Грекийн ард Европын холбоо байгаа бол Монголын ард хэн ч байхгүй. Харин байгалийн баялаг, газар нутагтаа л найдах бололтой. Учир нь гаднын хэд хэдэн шинжээчид дампуурсан Монголоос өрөндөө байгалийн баялгийг нь үнэгүй авч, газар нутгийг нь үнэгүй ашиглана хэмээн нийтэлж байсан юм.