Кейт Ричардсын охин нүцгэн зургаа авахуулжээ

Домогт Роллинг Стоунс хамтлагийн гитарчин Кейт Ричардсын охин Теодора /23 нас/ Германы “MAX” сэтгүүлд нүцгэн зургаа авахуулсан байна. Роберт Каваллигийн H&M загварын ирээдүйн нүүр царай гэгдэж байгаа залуу бүсгүй энэ талаараа: “-Хүмүүс намайг зөвхөн аавын нэр алдараар л төсөөлж түүн шиг байх болно хэмээн хардагт нь би их харамсаж байна” хэмээн тайлбарлажээ. Кейт өмнө нь загвар өмсөгч байсан эхнэр Патти Хансентай хамт хүүхдүүдээ орой болгон үлгэр уншиж, харин өглөө сэрэхдээ Моцартын аязыг сонсох мэтээр хүмүүжүүлэхэд их анхаардаг байна. “-Миний эцэг бол хамгийн ухаантай, төгс эр хүн гэхдээ тэрээр өөрөө залуугийнхаа тэр их эрч хүчтэй байсан үеэ эргэн нэг санаасай гэж би хүсдэг. Тэр хэдий жар хүрсэн ч одоо ч элдэв скандал гаргахдаа огт эмээдэггүй ш дээ” хэмээн Теодора нүцгэлсэн талаараа нэмж тайлбарласан билээ.

Теодора бүр 16-тай байхдаа ээжийнхээ хамт Gap болон Guelain фирмийн үнэртэй усны сурталчилгаанд толож байжээ.Харин 2002 онд тэрээр Карибын Хилфижерт Tommy Hilfiger-ийн рекламны зураг авалтан оролцож байлаа. Түүний дараахан Кейт Моссын хамт Burberry болон Marks&Spencer-ийн дотуур хувцасны рекламанд тоглосон юм.

Хэдийгээр 170 см өндөртэй ч гэсэн цэнхэр нүдтэй, шаргал үст энэ бүсгүй бусад загвар өмсөгчдийн нэгэн адил Tatler, Rolling Stone, Vogue, Glamour зэрэг томоохон сэтгүүлийн нүүрэнд зургаа нийтлүүлээд амжсан нэгэн. Ричардс 1986 онд Паттитай гэрлэсэн бөгөөд тэдний бага хүүг нь Александр гэдэг ажээ. Мөн Ричардс нь Анита Палленберг  гэгч эмэгтэйгээс хоёр ч хүүхэдтэй юм.