ШУУРХАЙ: ОХУ-ын Засгийн газар огцорлоо

Я.Болор | Zindaa.mn
2020 оны 01 сарын 15

ОХУ-ын Ерөнхий сайд Дмитрий Медведев Ерөнхийлөгч Владимир Путины Үндсэн хууль өөрчлөлт оруулах тухай санал гаргасантай холбогдуулан бүрэн бүрэлдэхүүнээрээ огцрох болсноо мэдэгдлээ. (2020.01.15)

“Владимир Путин ОХУ-ын Үндсэн хуульд хэд хэдэн томоохон өөрчлөлт оруулах талаар мэдэгдсэн. Ерөнхийлөгч зөвхөн Үндсэн хуульд төдийгүй эрх мэдлийн хуваарилалтад бүхэлд нь өөрчлөлт оруулна. Засгийн газар төрийн тэргүүнд шаардлагатай шийдвэр гаргах бүх боломжийг олгох ёстой. Тиймээс Үндсэн хуулийн 117-р заалтын дагуу ОХУ-ын сайд нарын танхим бүрэн бүрэлдэхүүнээр огцрох өргөдөл өгч байна” гэж Д.Медведев Ерөнхийлөгч В.Путинтэй хийсэн уулзалт дээр мэдэгджээ.

Владимир Путин Засгийн газрын гишүүдэд хамтарч ажилласанд талархал илэрхийлж, танхимын гишүүн бүртэй уулзана гэв.

Тэрбээр мөн танхимын гишүүдийг шинэ засгийн газар байгуулагдах хүртэл үүргээ гүйцэтгэж байхыг хүсэв.

В.Путин Аюулгүй байдлын зөвлөлийн дэд тэргүүн гэсэн албан тушаал бий болгож, Д.Медведевт санал болгохоор төлөвлөж байна.

Эл албан тушаалд Д.Медведев батлан хамгаалах чадвар, аюулгүй байдлын асуудлыг эрхлэх боломжтой гэж үзсэн байна. 

ОХУ-ын Холбооны Хуралд хандсан илгээлтэд Ерөнхийлөгч Владимир Путин Төрийн Думад Ерөнхий сайдад нэр дэвшигчийг зөвшилцөж, томилж байхыг санал болгожээ.

Д.Медведев ОХУ-ын шинэ түүхэнд Засгийн газрыг хамгийн удаан хугацаагаар тэргүүлсэн Ерөнхий сайд юм.

Тэрбээр нийт долоон жил, найман сарын хугацаанд Засгийн газрыг тэргүүлсэн байна /2012 оны тавдугаар сарын 8-нд Засгийн газрын тэргүүнд томилогдсоноос хойш хоёр мянга 808 өдөр/.

Д.Медведевийн одоогийн танхим 2018 оны тавдугаар сарын 18-нд арван орлогч дарга, нэг шадар сайд, 22 сайдын бүрэлдэхүүнтэй байгуулагдаж байсан талаар ТАСС агентлаг мэдээлжээ.
 

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Болд(66.181.161.33) 2020 оны 01 сарын 16

Аугаа ард түмэндээ...

0  |  1
зочин(202.179.26.240) 2020 оны 01 сарын 17

манайх ерөнхийлөгчийн засаглалтай болоод уих хоёр танхимтай ажилвал арай шуурхай цэгцтэй болох юм уу даа

3  |  2
zochin(73.51.245.247) 2020 оны 01 сарын 16

orosyn ard tumend ataarxax yum daa yamar chadaltai xuchtei eronxuulogchtei yum ve

2  |  1
(202.179.26.16) 2020 оны 01 сарын 16

yer ni bol uhaantai uls bol reformiig bainga hiij baih heregtei yag l

1  |  0
Мон(37.76.102.209) 2020 оны 01 сарын 16

Айлын хүүхдүүд ингээд л огцороод байх юм. Манайхан гүрийгээстэй. Тэр гүрийж байгаа чигээр нь занданшуулахаар таарсан нөхдүүд.

6  |  0
(202.179.26.16) 2020 оны 01 сарын 16

good

0  |  2
Top