Хоёр настнуудыг ЭНЭ ДОЛОО ХОНОГООС бүртгэж эхэлнэ

Засгийн газар өчигдөр (2020.09.14) хоёр настай хүүхдийг цэцэрлэгт хамруулах шийдвэр гаргасан билээ. 

Өмнөх шийдвэрийн улмаас цэцэрлэгт явах боломжгүй болсон хоёр настнууд одоо цэцэрлэг, Хүүхэд харах үйлчилгээний аль алинд нь хамрагдах боломжтой болж байгаа бөгөөд удахгүй бүртгэл эхлэх хугацааг зарлах юм байна. 

Сануулахад, хоёр настай хүүхдүүдийг 100 хувь цэцэрлэгт хамруулж чадахгүйн улмаас Хүүхэд харах үйлчилгээний стандартыг сайжруулж, хоёр настнуудыг бүрэн хамруулахаар болсон. Эл үйлчилгээнд зориулан хоёр тэрбум төгрөгийг нэгэнт төсөвт суулгасан тул энэ мөнгөөр цэцэрлэгт яваагүй 3000 хүүхдийг Хүүхэд харах үйлчилгээнд хамруулна гэж тооцоолж байгаа юм.