Цэцэрлэгийн II шатны бүртгэл 11-ний 23:59 цагт хаагдана

Нийслэлийн цэцэрлэгт хамрагдах II шатны цахим бүртгэл 2026 оны 09 дүгээр сарын 03-ны өдрийн 09:00 цагт эхэлж, 09 дүгээр сарын 11-ний өдрийн 23:59 цагт хаагдана.

II шатны бүртгэлд:

-Түр оршин суух хаягтай хүүхэд

-Эхний  бүртгэлээс хоцорсон хүүхэд хамрагдах боломжтой.

Цахим бүртгэлийг E-Mongolia платформоор дамжуулан хийх юм. 

Нэмэлт мэдээлэл хүргэхэд 2026-2027 оны хичээлийн жилд Монгол Улсын хэмжээнд нийт 1,407 цэцэрлэг үйл ажиллагаа явуулж, 2-5 насны 242,742 хүүхэд цэцэрлэгт хамрагдахаар бүртгүүлжээ. Нийслэлийн хэмжээнд 119 мянга орчим хүүхэд цэцэрлэгт хамрагдахаар бүртгүүлсэн байна.

Насаар нь ангилбал:

2 нас – 24,159

3 нас – 29,487

4 нас – 30,721

5 нас – 34,619 хүүхэд бүртгүүлжээ.

Бүртгэлтэй холбоотой мэдээлэл, зөвлөгөө авах шаардлагатай бол зурагт дурдсан Нийслэлийн Боловсролын газар, дүүргүүдийн боловсролын хэлтэс болон E-Mongolia call center 11-11 дугаарт хандах боломжтой.