ОХУ нефтийн хяналтаа сайжруулж байна

 ОХУ жил олборлосон нефтийнхээ 10 хувийг буюу ойролцоогоор 50 сая тонн нефтийг алддаг гэж "РБК daily" сонин албаны эх сурвалжаас авсан мэдээлллийн дагуу нийтэлжээ. Түлш эрчим хүчний зохицуулах төв газраас гаргасан тайлангаар бол олборлосон нефть, олсон ашиг хоёр баланслах нь байтугай ойрхон гарсан удаа ч байхгүй байжээ. Нефтийн олборлолт, зарцуулалтыг анх удаа л +/- үзүүлэлтээр шалгаж байгаа нь энэ юм байна. ОХУ-д сүүлийн таван жилд нефть боловсруулах 196 үйлдвэр ашиглалтад орсны 80 нь л албан ёсных байсан гэдгийг "Газпромнефть"-ийн гаргасан судалгаа харуулж байна. Эдгээр жижиг үйлдвэрүүд нефтийг худалдаж аваад, дараа нь хилийн чанад руу гаргаж ашиг олдог ажээ. Тус улсын олборлосон нефтийн хэмжээ сүүлийн таван жилийн хугацаанд нэмэгдэж хасагдалгүй яг л 500 сая гаруй тонн байсан нь эрх баригчдын гайхлыг төрүүлж байжээ.

Эх сурвалж: Монголын мэдээ сонин