ПАРАЛИМП: Таеквондочид дагах тулаанд ялалт байгууллаа

"Токио-2020" паралимпын наадамд Монгол Улсын маань таеквондочид амжилттай оролцож байна.

Тодруулбал өнөөдөр /2021.09.02/ эмэгтэйчүүдийн таеквондогийн 49 кг-д өрсөлдөж буй ОУХМ Х.Энхтуяа өнөөдөр /2021.09.02/ дагах тулаанд Мароккогийн С.Эс-Саббарыг 37:21-ээр ялллаа. Ингэснээр тэрбээр дагах тулаанаа цааш үргэлжлүүлэх эрхтэй боллоо.

Дэлхийн аварга цолтой тэрбээр 18.00 цагаас ээлжит тулаанаа хийнэ. Өрсөлдөгч нь хараахан тодроогүй байгаа энэ тулаанд ялалт байгуулбал цааш хүрэл медалийн төлөө өрсөлдөх юм.

Түүнчлэн эрэгтэйчүүдийн 61 кг-д өрсөлдсөн Г.Болор-Эрдэнэ Испанийн А.Видал Алваресийг 33:11-ээр хожиж, дагах тулааны хагас шигшээд үлдээд байна. Манай хүн 18.15 цагт эхлэх дараагийн тулаандаа хожвол хүрэл медалийн төлөө өрсөлдөх эрхтэй болно.