Нидерланд шүршүүрт богино хугацаанд орохыг уриалжээ

Я.Болор | Zindaa.mn
2022 оны 09 сарын 12

 

Нидерландын Засгийн газар байгалийн хийн хэрэглээг багасгах зорилгоор ард иргэддээ хандан, богино хугацаанд шүршүүрт орж байхыг уриалжээ.

“The Wall Street Journal” сонинд мэдээлснээр, судалгааны “Milieu Centraal” байгууллагын явуулсан судалгаагаар Нидерландад шүршүүрт ороход нэг хүн дунджаар есөн минут зарцуулдаг болохыг тогтоожээ. Эрчим хүчний хямрал үүсэхээс өмнө тус улс жилд 40 тэрбум куб м түлшийг ус халаахад хэрэглэдэг байжээ. Нидерландын эрх баригчдын өрнүүлсэн энэхүү кампанит ажил нь өрх бүрд жилд 60 куб м түлш, 130 еврог хэмнэхэд нь туслах зорилготой.

“The Wall Street Journal” сонины мэдээллээр, Нидерландын зүүн хойд мужид орон нутгийн эрх баригчид айл өрхүүдэд цаг хэмжигч тарааж өгчээ. Ингэснээр, тэд халуун усны хэрэглээгээ хянах боломжтой юм. Нидерландын зарим иргэд шинэ хязгаарлалтын арга хэмжээнд дургүйцэж байгаа аж. Учир нь тэд таван минутын дотор шүршүүрт орж амжихгүй байгаа гэнэ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Z (202.21.124.134)  2022 оны 09 сарын 23

Амжина. Хальт норгоод савандаж үрээд шүршээд гарахад яг болно

1  |  1
Иргэн (202.126.90.115)  2022 оны 09 сарын 23

Бүгд бүх юмны үсээ хусах хэрэгтэй ус цахилгаанд хэмнэлтэй.

2  |  0
Top