Филиппинд 5.6 магнитудын хүчтэй газар хөдлөлт болжээ

Филиппиний эрэгт 5.6 магнитудын хүчтэй газар хөдлөлт болсон талаар АНУ-ын Геологийн албанаас мэдээлсэн байна.

Тус улсын зүүн хойд хэсэгт болсон газар хөдлөлтөөр учирсан хохирлын талаар одоогоор мэдээлээгүй байгаа аж.

Хоёр хоногийн өмнө Узбекистанд 6 хүртэлх баллын хүчтэй газар хөдлөлт болсон билээ. Газар хөдлөлтийн улмаас хүний амь эрсдээгүй юм.

Туркт өнгөрсөн хоёрдугаар сард болсон хүчтэй газар хөдлөлтийн үеэр амиа алдсан хүний тоо 50 мянгыг давсан байна.