[ ӨГЛӨӨГ ӨӨРТӨӨ ] Хоолыг удаан чанах тусам тэжээллэг чанараа алддаг

Хоол хүнсийг түүхийгээр нь бус болгож хэрэглэх нь зөв ч удаан чанах, жигнэх явцад түүнд агуулагдах амин дэмүүд нь устдаг байна. Энэ талаарх зөвлөгөөг хүргэе.

• Хоол хүнсийг болгох үед усанд уусдаг C болон B амин дэмүүд устах өндөр магадлалтай.

• Хоол хүнсийг усанд чанах нь хуурч эсвэл жигнэж болгохоос илүү амин дэмийг нь устгадаг сөрөг талтай аж.

• Хоол хүнсийг удаан хугацаанд болгох тусам тэжээллэг чанараа алддаг.

• Хоолыг сайн зажлах тусам хоол шингэх үйл явц хурдан явагддаг байна. Хангалттай зажлаагүй хоол нь шингэхдээ илүү их цаг, энерги зарцуулдаг бөгөөд гэдэс хөөж, дүүрэх сөрөг үр дагавартай.

• Гэхдээ хоолыг болгох үед хүнсэнд агуулагдах эслэг болон ургамлын эсийн хана задарч, биед шингэх үйл явц илүү хурдан явагддаг байна.