Австрийн сүүлчийн эзэн хааны хүүтэй салах ёс гүйцэтгэв

Австрийн нийслэл Вена дахь ариун Стефаны сүмд Австри-Унгарын сүүлийн эзэн хааны хүү Отто Фон Габсбургтэй салах ёс гүйцэтгэхээр олон мянган хүн цугларчээ. Талийгаач Европын эртний эзэнт гүрний харьяаны хамгийн сүүлийн төлөөлөгч байсан юм. Нэрт улстөрч, нийгмийн зүтгэлтэн байсан түүнд хүндэтгэл үзүүлэхээр Европын бараг бүх орны төрийн тэргүүнүүд оршуулах ёслолын ажиллагаанд нь оролцсон байна. Отто Фон Габсбург энэ сарын 4-нд хорвоогийн мөнх бусыг үзүүлжээ.