Хойд Солонгосын дүрвэгч хулгайн автобусаар хил давах гэж байгаад БАРИГДЖЭЭ
.png)
Хойд Солонгосоос дүрвэж Өмнөд Солонгост ирсэн 30 гаруй насны эр хот хоорондын зорчигч тээврийн автобус хулгайлан хил гарах гэж байгаад Өмнөд Солонгосын цагдаа нарт саатуулагджээ.
Кёнги мужийн цагдаагийн газраас мэдээлснээр уг этгээд Пажу хотын чиглэлийн автобус хулгайлан хоёр улсын Үндэсний нэгдлийн бэлгэ тэмдэг болсон гүүрээр гарах гэж байгаад цагдаа нарт саатуулагдсан байна. Цагдаа нар түүнийг автобусаа зогсоох шаардлага тавьсан ч тэрээр зогсолтгүй явсаар хаалт мөргөн зогссон аж.
Цагдаа нар түүнээс байцаалт авахад тэрээр "Өмнөд Солонгост амьдрал хэцүү байсан учраас ийнхүү хэрэг үйлдэхэд хүрсэн. Би Хойд Солонгос руу буцахыг хүсэж байна" гэжээ.
Эх сурвалжийн мэдээлж буйгаар энэхүү дүрвэгч 10 гаруй жилийн өмнө дүрвэж, саяхныг хүртэл Сөүлд амьдарч байсан аж. Түүний нэвтрэхийг завдсан Үндэсний нэгдлийн гүүрээр энгийн иргэн нэвтрэх боломжгүй ба зөвхөн тусгай үнэмлэх бүхий иргэд нэвтрэх боломжтой байдаг байна.
.png)
Холбоотой мэдээ
Сэтгэгдэл ( 3 )
тагнуул хийгээд нутаг буцаж явсан бизээ
Niitiin teeveriin dashdorjiin ganbaatar hogiin hulgaich duu enhjargal ynhan solongosuud nuuren deer tamhiaa darj untaraadag hun aminii heregten!
жаргал даахгүй новшийг Кимрүүн хөөж явуул