Жүжигчин И Ён Э 73 настай нөхрийн хамт папарацид өртөв

Өмнөд Солонгосын алдарт жүжигчин И Ён Э өөрөөсөө 20 насаар ах нөхрийнхөө хамтаар шагнал гардуулах ёслолд хүрэлцэн ирэх үеэрээ папарацид өртжээ. 

Түүний нөхөр Жон Ху Ён энэ жил 73 нас хүрч буй бөгөөд тэднийг мөнхийн ус уусан мэт наснаасаа "залуу" харагдаж буй нь олны анхаарлыг ихээр татсан байна. Улсдаа алдартай бизнесмэн Жон Ху Ён 50 настай мэт харагдах агаад хосуудын насны зөрүү тийм ч их биш харагдаж буйг интернэт хэрэглэгчид онцолжээ. 

Хосууд 2009 онд гэрлэж, 2011 онд охин, хүү ихэрүүдээ өлгийдөн авсан ба өдгөө Өмнөд Солонгосын үлгэр жишээ гэр бүл болсон байна.