Рөүс бусдад таалагдах гэж хэт хичээж байснаа хүлээн зөвшөөрөв

BLACKPINK хамтлагийн дуучин Рөүс саяхан PAPER сэтгүүлд ярилцлага өгчээ. Тун удахгүй бие даасан цомгоо худалдаанд гаргах гэж буй тэрээр токсик харилцаа болон эмзэг сэдвүүдийнхээ талаар илэн далангүй ярилцсан байна. 

Ярилцлагаа интернэт орчин дахь сөрөг хандлагын талаар эхлүүлсэн тэрээр хорон сэтгэгдэл бичиж буй хүмүүсийн талаар "Би онлайн орчинд тун эмзэг ханддаг, түүндээ донтсон, бусдад хайрлуулж, ойлгогдохыг хэт хүсэж буйгаа мэдэрсэн. Энэ нь миний үзэн яддаг тал маань. Ярилцлага өгөхдөө ч гэсэн өөрийгөө аль болох дарахыг хичээдэг. Учир нь бусдаас ирж буй шүүмжлэл, хорон үгс бүр намайг доош татаж буй мэт санагддаг. 

Би энгийн 20 гаруй насны эмэгтэй шиг бусдын л адил нэгэн гэдгийг хүмүүс ойлгоосой гэж хүсэж байна. 20 нас бол үнэндээ амаргүй нас. Маш эмзэг, төөрөлдсөн, сэтгэл хөдлөл ихтэй мөн сэтгэл гутралд орох нь элбэг. Энэ бүхнийг би дуундаа шингээхийг хүссэн. 

Дуунуудыг маань сонсоод тухайн асуудлыг даван туулж буй хүмүүст дотно санагдах байх" гэжээ.