БНСУ-д цагдаагийн биед халдсан МОНГОЛ иргэнийг саатуулжээ

Энэ сарын 22-ны өдөр БНСУ-ын Сөүл хотод зөвшөөрөлгүй зураг авалт хийж, цагдаагийн биед халдсан хэргээр Монгол залууг Намдэмүн дүүргийн цагдаа нар саатуулан баривчилжээ. 

30 гаруй насны сэжигтэн залуу нь энэ сарын 19-ний өдрийн 13:20 цагийн орчимд Seoul City Hall-д уран зургийн галерей үзэж байхдаа тайлбарлагч эмэгтэйн зургийг зөвшөөрөлгүй авч, улмаар түүнийг саатуулсан гурван цагдаагийн биед халдсан хэрэгт буруутгагдаад байна. 

Сэжигтэн гэмт хэрэг үйлдэх үедээ согтууруулах ундаа болон сэтгэцэд нөлөөт бодис хэрэглээгүй болох нь шалгалтын явцад тогтоогджээ. Түүнийг ямар зорилгоор ийнхүү хууль бус үйлдэл гаргах болсон тухай цагдаагийн байгууллага үргэлжүүлэн шалгаж байна. 

Эх сурвалж: YTN