Онц байдлын "ПАНИК"-т 50-60 насныхан ихээр өртжээ

Өмнөд Солонгосын Ерөнхийлөгч өчигдөр улс даяар дайны бэлэн байдал зарласан нь тус улсын ард иргэдийг хоол хүнс, ус болон бусад төрлийн өргөн хэрэглээний бараа бүтээгдэхүүн нөөцлөхөд хүргэжээ. 

Онлайн болон ердийн цагийн хувиараар ажилладаг дэлгүүрүүд, 24 цагийн сүлжээ дэлгүүрүүдээр үйлчлүүлэгчдийн тоо энгийн үеийнхээс эрс нэмэгдэж, хүргэлтийн үйлчилгээ ачааллаа дийлэхээ болин, үйлчилгээ доголдоход хүрчээ. 

Шөнө дунд гэхэд жижиглэнгийн худалдаа эрхлэгчдийн лаазласан хүнсний борлуулалт өмнөх өдрийнхөөс 75.9 хувиар нэмэгдсэн байсан бол богино долгионы зууханд халааж хэрэглэдэг бэлэн будаа 38.2 хувь, савласан ус 37.4 хувь, бэлэн гоймон 28.1 хувь, аккумлятор 25.7 хувь, хүнсний бусад бүтээгдэхүүний борлуулалт 23.8 хувиар тус тус өссөн байна.

Орон сууцны хорооллуудад 4000 орчим дэлгүүртэй франчайз дэлгүүрт энэхүү үзэгдэл мөн ажиглагдсан бөгөөд худалдан авагчдын дийлэнх нь 50-60 насныхан байсан гэв. 

Тус улсын хамгийн том онлайн хайлтын систем болох Naver дээр "ундны ус" гэх хайлт хамгийн олон хийгдсэн бол Homeplus дээр "сүү", "будаа", "бэлэн гоймон" гэх түлхүүр үгс тэргүүлсэн байна. 

Мөн 11Street-т "бэлэн гоймон" гэх түлхүүр үг тэргүүлсэн бол "Coupang" дээрх шуурхай хүргэлт цэс ачааллаа даахгүйд хүрчээ.