Барби хүүхэлдэйг зохион бүтээгч насан эцэслэв

Барби хүүхэлдэйг зохион бүтээгч, тоглоомоороо дэлхий даяар алдаршсан “Маттел” компанийг үүсгэн байгуулагчдын нэг Эллиотт Хэндлер нас нөгчжээ. АНУ-ын хэвлэлд мэдээлснээр тэрбээр 95 насандаа Калифорни дахь гэртээ зүрхний дутагдлын улмаас насан эцэслэсэн байна. “Маттел” компанийг 1945 онд Лос-Анжелес хотод Хэндлер, түүний эхнэр Руфь, тэдний найз Гарольд Матсон нар үүсгэн байгуулжээ. Компанийн нэрийг овгийн Матсон хийгээд Эллиот гэдэг нэрийг нийлүүлэх замаар үүсгэжээ. Тус компанид Хэндлерийн охин Барбара ажилладаг байсан бөгөөд түүний нэрээр алдартай хүүхэлдэйг нэрлэсэн байна. Эхлээд “Маттел” зургийн жааз үйлдвэрлэж байгаад, хожим нь Хэндлер хүүхэлдэйн гэрийн тавилга үйлдвэрлэхээр шийджээ. 1959 оны гуравдугаар сард анхны Барби хүүхэлдэйг үйлдвэрлэсэн. Барбигийн “найз” Кен 1961 онд гарсан байна. Түүнийг Хэндлерийн хүү Кеннетийн нэрээр нэрлэсэн аж.

Эх сурвалж: МОНЦАМЭ