Жэжү Эйр хөлгийн ослын газарт эрэн хайх ажиллагааг ЗОГСООЛОО
Өмнөд Солонгосын Жэжү Эйр компанийн онгоцны ослын газарт явагдаж байсан эрлийн ажиллагаа дууссан болохыг холбогдох албанаас мэдээлжээ.
Нийт 179 хүний аминд хүрсэн тус ослоос долоо хоногийн дараа ийнхүү эрэн хайх ажлыг зогсоож байгаа бөгөөд бямба гарагт тус улсын Гал түймэртэй тэмцэх газар, цагдаа, үндэсний шүүх эмнэлгийн багийнхан онгоцны сүүл хэсэг болон түүний эргэн тойронд хайлтын ажиллагаа явуулсан байна. Үүний дүнд цаашид дахин цогцос болон зорчигчдын хувийн эд зүйлс гарч ирэх магадлал тун бага байгааг онцлон ийнхүү эрэн хайх ажиллагааг зогсоожээ.
Одоогийн байдлаар амь үрэгдсэн 179 хүний цогцос болон биеийн хэсгүүдийг бүгдийг нь гаргаж, 151 хүний эд зүйлсийг ар гэрийнхэнд нь хүлээлгэн өгөөд байгаа бол өнөөдөр орой гурван хүнтэй нэг гэр бүлийн гишүүдээс бусад 25 хүний биеийн хэсгүүдийг ар гэрийнхэнд нь хүлээлгэн өгөх ажээ.
Холбоотой мэдээ
Сэтгэгдэл ( 0 )