Айдас, хуйвалдаан, хуваагдал: Өмнөд Солонгос дахь улс төрийн хямрал

Хүйтэн өдөр залуухан эм зүйч оюутан Шин Жён Мин Өмнөд Солонгосын Үндсэн хуулийн шүүхийн гадна тайван бус байдлаар жагсаж байв. Түүний хувьд саяхан импичментийн улмаас баривчлагдаад буй Ерөнхийлөгчийг суллахыг хүсжээ.

Тэр үүнд санаа зовсон олон зуун жагсагчидтай хамт "Түүнийг даруй суллах хэрэгтэй, импичментийг цуцал!" гэх зэргээр хашхирч байв.

"Хэрвээ Ерөнхийлөгч энэ хэвээр импичментэд орж, сөрөг хүчний удирдагч сонгогдвол манай улс Умард Солонгос болон Ким Жон Унтай нэгдэхэд хүрнэ гэхээс айж байна" гэж Жён Мин ярьжээ. Энэ нь Ерөнхийлөгч Юн Сук Ёолын фашист үзэлтнүүдийн дунд түгээмэл байгаа үзэл бөгөөд тэднийх нь сөрөг хүчний намууд Умард Солонгостой нэгдэж, Өмнөд Солонгосыг коммунист улс болгох гэж байгаа гэсэн хардлага юм. Умард Солонгосоос айж, үзэн яддаг ахмад үеийнхэн Солонгосын томоохон хэсгийг эзэлдэг. Тэр үеийн солонгосчууд одоо 70 гаруй насныхан байгаа ба хүйтэн дайны үеийг туулсан, мөн 1950-аад оны Умард Солонгосын довтолгооны үр дагаврыг яав ч мартаж чадахгүй. Ерөнхийлөгч Юн арванхоёрдугаар сард дайны тунхаг гаргасныхаа дараа энэ айдсыг ашиглан, өөрийн хийж буй зүйлээ зөвтгөхийг оролдож байсан гэгддэг.

Тэрбээр "Умард Солонгосын коммунистууд сөрөг хүчний намд нэгдэж, улс орныг минь дорд үзлээ гэж" гэж ямар ч баримт, эх сурвалжгүйгээр мэдэгдэн, тэднийг устгах ёстой гэж зарлаад "дайн" эхлүүлэхийг оролдсон ч үүнийг зогсоож улс төрийн үйл ажиллагаанд оролцохыг хориглон, цэргийн хяналтад оруулсан. Хоёр сар гаруйн дараа буюу түүний амжилтгүй дайны тунхгаас хойш, коммунизмын эсрэг хандлага нь Юн Сук Ёолын дэмжигчдийн дунд тархацтай болж байна. Тухайлбал, Умард Солонгос эсвэл коммунизмын талаар төдийлөн ач холбогдол өгдөггүй байсан зарим хүмүүс одоо Өмнөд Солонгосын ардчилсан тогтолцоо аюулд байна гэж үзэж байгаа аж. "Энэ нь коммунизм ба ардчилал хоорондын дайн" гэж шүүхийн өмнө болсон эсэргүүцлийн жагсаалд оролцож байсан 40-өөд насны оффис ажилтан хэлжээ. Өөр нэг 30-аад насны залуу “Ерөнхийлөгч аль болох хурдан эргэн ажилдаа орж тэр Умард Солонгосын тагнуулыг баривчлах хэрэгтэй байна.

Ийм аюултай үзэгдлүүд өмнө нь үнэхээр болдог байсан. 1960-1970-аад онд тагнуулууд байнга засгийн газарт нэвтрэхийг оролддог байсан нь нууц биш” гэж хэлэв. 1968 онд Умард Солонгосын хэсэг бүлэг цэрэг хилээр нэвтэрч, тухайн үед Ерөнхийлөгч байсан Парк Чун Хий-г хөнөөхөөр оролдсон. Сөүл хотын Бугак уулын дээд талд одоо хүртэл тулааны үеийн тэмдэг болсон сумны тэмдэг байсаар байгааг санах хэрэгтэй. 1980-ээд онд Өмнөд Солонгосын цэргийн дарангуйллын сүүлийн жилүүдэд зүүний үзэлтэй оюутнуудын хөдөлгөөн Пёньянгийг манайхаас илүү улс төрийн системтэй гэж магтдаг байсан.

"Коммунизмтай тэмцэх үзэл нь Өмнөд Солонгосын цэргийн дарангуйлагчдын гол үзэл бөгөөд үүгээрээ тэд нийгмийг хянах, ард түмний эрхийг хязгаарлахын тулд ашигладаг байсан" гэж Чунган их сургуулийн социологийн профессор Шин Жин-Ук хэлжээ. Өнөөдөр эдгээр аюулууд аажмаар арилж Пёньянгийн цөмийн зэвсэг болон хөгжингүй кибер халдлагын чадвар нь маш их эрсдэл учруулж байна, мөн Өмнөд Солонгосын амьдралыг Умард Солонгост хуулбарлах хүсэлтэй хүн нэг ч байхгүй. Улс төрийн хоёр үзэл нь Умард Солонгостой хэрхэн харьцах тал дээр л ялгаа нь гардаг. Юн Сук Ёолын консерватив нам болох Ардчилсан Үндэстнүүдийн намын хандлага нь цэргийн хүчээр Умард Солонгосыг боогдуулж, хүчирхэг байхыг оролддог бол зүүн хандлагатай Ардчилсан Нам нь Пёньянгтай харилцан ойлголцож, хоёр улс энх тайван амьдрах боломжтой гэж үздэг.

"Ерөнхийлөгч Юн Сук Ёолын үг хэллэг нь өнгөрсөн дарангуйлагчдын хэлж байсан зүйлтэй бараг адил, тэрээр 1987 онд Солонгос ардчилалд шилжсэнээс хойш энэ коммунизмын эсрэг үзлийг ийм тодорхой ашигласан анхны Ерөнхийлөгч болж байна" гэж Шин профессор хэлжээ. Юн нь парламентын сөрөг Ардчилсан Намыг Пёньянгийн үзэл сурталтай гэж буруутгаад зогсохгүй, өнгөрсөн жилийн ардчилсан намынхны парламентын сонгуулийг Умард Солонгос, Хятад улсаас хуулбарласан гэж хэлжээ.

"Энэ нь Юн-гийн хийсэн худал мэдээлэл бөгөөд сөрөг хүчнийг муулж, өөрийн эрх ашгийн төлөөх алхам хийсэн харин бид Юн-гийн Солонгосын ардчиллыг устгах оролдлогыг зогсоосон хүмүүс" гэж Ардчилсан Намын гишүүн Ви Сун-Лак хэлжээ. Эхнэртэйгээ  хамт жагсаж байсан 57 настай хөгжмийн зохиолч, байсан Ө Жон-Хёк "Эхэндээ би Юн-ийг дэмжээгүй, гэхдээ дайны тунхаг маш шийдэмгий байсан тул намайг нээсэн" гэж хэлжээ.

Дөчөөд насны нэгэн эмэгтэй хэлэхдээ, өмнө нь Хятад улс сонгуулийг урьдчилан зохион байгуулсан гэсэн мэдээллийн талаар эргэлзэж байсан ч дайны тунхаг гаргасны дараа энэ асуудлыг судалж, энэ бүхэн үнэн байсныг ойлгосон гэжээ. Эсрэг намын улс төрч Ви Сон-лак “нам нь дэмжлэгээ алдахаас санаа зовохгүй байна. Юн-ий баталгаагүй мэдэгдлүүд нь тархаж эхэлсэн тул түүний дэмжигчид нь олшрох болсон ч энэ туйлширсан үзэл санаа хязгаарлагдмал байх болно” гэжээ.

Х.Энхболд

Эх сурвалж: ӨГЛӨӨНИЙ СОНИН