Түүхэн дэх хамгийн удаан үргэлжилсэн дайн Реконкиста

Түүхэнд хамгийн удаан үргэлжилсэн дайн нь 781 жилийн турш (711-1492) үргэлжилсэн Реконкиста гэж үздэг. Энэ нь Иберийн хойгийн (одоогийн Испани, Португал) Христийн хаант улсууд исламын ноёрхолд байсан газар нутгаа үе шаттайгаар эргүүлэн авах зорилготой байв. Дайны эхлэл нь 711 онд Умайядын халифат Гуадалетегийн тулалдаанд Визиготын хаант улсыг ялж, Иберийн хойгийн ихэнх хэсэг исламын захиргаанд орсноор тавигдсан. Үүний дараа Кастиль, Арагон, Наварр зэрэг Христийн хаант улсууд олон зуун жилийн турш газар нутгаа сэргээх зорилготой цэргийн ажиллагаа өрнүүлсэн бөгөөд энэ үйл явцыг Реконкиста хэмээн нэрлэжээ.

Энэхүү дайн хэдэн зууны турш үргэлжилж, олон тулалдаан, гэрээ хэлэлцээр, Христийн болон исламын хүчний хооронд эвсэл холбоо өөрчлөгдөх зэрэг олон үйл явдлыг хамарсан. Төгсгөл нь 1492 онд Католик вангууд болох Арагоны II Фердинанд, Кастилийн I Изабелла нар сүүлчийн исламын эзэмшил болох Гранадын хаант улсыг эзэлснээр тавигдсан бөгөөд үүгээр Испанид исламын ноёрхол эцэс болжээ.

Х.Энхболд