Эми Уайнхаус нас барсан ч түүний дуунууд хамгийн шилдэгт орлоо

Британийн алдарт дуучин Эми Уайнхаус нас барсан нь түүний уран бүтээлийг сонирхогчдын тоог эрс өсгөв. Энэ долоо хоногт түүний долоон дуу Британийн хамгийн алдартай 40 синглийн жагсаалтад оржээ. “Back To Black” сингл жагсаалтын тавдугаарт, “Rehab” 22 дугаарт, “Тears Dry On Their Own” 24 дүгээрт, “Love is a losing Game” 26, “Үоu Кnоw I”m No Good” 33,  “Vаrеriе” дууны үндсэн хувилбар 35, продюссер Марк Ронсонтой хамтран дуулсан хувилбар 39 дүгээрт орсон байна. “Vаrеriе”-гаас бусад нь Эмигийн “Васк То Вlаск” цомогт оржээ. Энэ цомог “Грэмми”-ийн таван шагналыг авсан юм. Уушги тэлэх өвчин болон туранхай байх донтой, тэрчлэн мансуурах болон согтууруулах ундаа хэтрүүлэн хэрэглэдэг,  27 настай Эми Уайнхаус өнгөрсөн долоо хоногт гэртээ нас барсан бөгөөд түүний үхлийн шалтгааны албан ёсны дүгнэлт 10 дугаар сард гарах ажээ.

Эх сурвалж: МОНЦАМЭ