Трамп Тайваньд цэргийн тусламж үзүүлэхээс татгалзав

АНУ-ын ерөнхийлөгч Доналд Трамп Тайваньд 400 сая ам.долларын цэргийн тусламж үзүүлэхээс татгалзжээ. Учир нь Вашингтон Бээжинтэй худалдааны хэлэлцээр байгуулахаар зорьж байна гэж The Washington Post сонин эх сурвалж дурдан мэдээлжээ.

Трампын засаг захиргаа Бээжинтэй харилцаагаа зөөлрүүлэхийг эрмэлзэж байгаагаас гадна Украинд зэвсэг нийлүүлсэн туршлагаас үзвэл АНУ буцалтгүй тусламж үзүүлэхэд бэлэн бус гэдгийг харуулж байна. Харин Цагаан ордны төлөөлөгчийн тодруулснаар, Тайваньд цэргийн тусламж үзүүлэхээс татгалзсан шийдвэр нь эцсийнх биш бөгөөд эргэн харж магадгүй аж.