Б.Наранцогт: Эдийн засгийн хөөсийг хагалахгүй зөөлөн агшаах ёстой

Монголбанкны ерөнхийлөгчийн албан тушаалд нэр дэвшигч Б.Наранцогт “Эдийн засгийн хөөсийг хагалахгүй зөөлөн агшааж хөрсөн дээр буулгах ёстой гэж мэдэгдлээ. Тэрээр хэлэхдээ “Сүүлийн 10 жилд төсөв, мөнгөний зах зээл тус тус гурав дахин нэмэгдсэн. Бодит эдийн засаг 5-6 хувь, зарим жилд хасах өсөлттэй гарсан. Үүнээс улбаалж манай эдийн засаг хөсөөрсөн. Төлбөрийн тэнцэл алдагдалтай гарч байна. Валютын ханшид дарамт ирж байна. Хөөс нэлээд томорсон байгаа учраас богино хугацаанд төсөв, мөнгөний бодлогыг уялдуулах, мөнгөний бодлогын одоо хэрэгжүүлж байгааг үргэлжлүүлэх, сайжруулах замаар энэ хөөсийг хагалахгүй зөөлөн агшааж бодит хөрсөн дээр буулгах ёстой” гэсэн юм.

Үүнийг хэрэгжүүлэхийн тулд удирдлагын манлайлал гаргаж, хуулиар олгогдсон ажил үүргийг гүйцэтгэнэ гэж нэмж тодотгосон юм.

УИХ-ын Эдийн засгийн байнгын хорооноос өнөөдөр Монголбанкны ерөнхийлөгчийн албан тушаалд нэр дэвшигчтэй хийх нэр дэвшигчийн сонсголыг зохион байгуулж байгаа юм.