Жан На Ра амиа хорлолтын хэрэгт хамааралгүй гэв

Дуучин, жүжигчин Жан На Ра-ийн харьяа агентлаг болох LAELBNC Co-ийн нэгэн ажилтан энэ сарын 9-ний өдөр амиа хорлосон байдалтай олдсон нь багагүй шуугиан дэгдээгээд байна. Тэрээр нас барахдаа гэрээсэлэл бичиж үлдээсэн байх ба уг хэргийг энтертайнментийн дотоод асуудалтай холбон тайлбарлаж байгаа аж. 

Тус агентлаг дотооддоо хөрөнгө оруулалттай холбоотой маргаантай байжээ. Тиймээс уг хэрэгт Жан На Ра ч мөн холбоотой байж магадгүй гэх таамаглал олон нийтийн дунд тархжээ. Энэ тухай дуучин бүсгүйн төлөөлөгч "Энэ талаар тайлбар хийх хэцүү хэдий ч Жан На Ра болон түүний одоогийн харьяалагдаж буй агентлаг дээрх асуудалтай огт холбоогүй. Жан На Ра LAELBnc-ээс гарч, одоогийн байдлаар чөлөөт уран бүтээлчээр ажиллаж байгаа. Тэрээр өнгөрсөн оны нэгдүгээр сард тус компанитай хийсэн гэрээгээ дуусгавар болгосон боловч гэрээг тус оны наймдугаар сард цуцалсан. 

Олон буруу ташаа мэдээлэл гарч байгаа ч тэр бидэнтэй хамт ажиллаж байсан хүмүүсийн нэг. Одоогоор хамгийн чухал асуудал бол оршуулгын ёслолыг нь зохион байгуулж, түүнийг зохих ёсоор нь үдэж өгөх явдал. Бид үүнд маш болгоомжтой хандах ёстой ч ийм зүйл яриад байж байгаадаа харамсаж байна. Одоогоор түүний үхлтйн шалтгааны талаар батлагдсан баримт байхгүй байгаа. Талийгаачийн ар гэрийнхэнд гүн эмгэнэл илэрхийлье" гэжээ.