МАН-ын бүлэг Г.Занданшатарыг Ерөнхий сайдаас чөлөөлөхийг дэмжлээ

УИХ дахь Монгол ардын намын бүлэг дөнгөж сая хуралдаж Г.Занданшатарыг Ерөнхий сайдаас чөлөөлөхийг дэмжлээ. Бүлгийн хуралдаанд Ерөнхий сайд оролцоогүй бөгөөд МАН-ын Удирдах зөвлөлийн байр суурийг Ерөнхий нарийн бичгийн дарга Я.Содбаатар танилцуулсан байна. 

Ардчилсан намын зүгээс эрх баригч намын дарга УИХ-ын дарга байх нь зохимжгүй, парламентат ёсыг алдагдуулж байна гэж үзэн УИХ-ын чуулганд оролцохгүй бойкотт зарласан юм. Улмаар үүнээс үүдэн Ардын намын бүлэг өчигдөр хуралдан Н.Учралыг Ерөнхий сайд болгох эсэх асуудлыг хэлэлцсэн. Үүнээс улбаалж өнөөдөр МАН-ын Удирдах зөвлөл хуралдан, уг хуралд Г.Занданшатар албан тушаалаасаа чөлөөлөгдөх хүсэлтээ өгсөн юм. 

Яг одоо УИХ-ын Төрийн байгуулалтын байнгын хороо хуралдаж байна. Үүний дараа УИХ-ын чуулган хуралдаж Г.Занданшатарыг Ерөнхий сайдаас чөлөөлөгдөх эсэх асуудлыг хэлэлцэнэ.