Улсын харцага Б.Цэдэнсодном, О.Наранбаатар нар хоёрын даваанд уналаа

Үндэсний их баяр наадмын хүчит бөхийн барилдааны хоёрын даваанд дээшээ барилдах магадлалтай залуу хүчтэнгүүдээс улсын харцага Б.Цэдэнсодном, О.Наранбаатар нар өвдөг шороодлоо.

Энэ жилийн наадмын эхний шуугианыг тарьж, улсын харцага Б.Цэдэнсодномыг давсан бөх бол Архангай аймгийн Батцэнгэл сумын уугуул, аймгийн начин М.Баяржавхлан юм. Харцагыг урдуур хөндөлдүүлж татаад давсан.

Үүний дараахан ноднин жилийн наадмаар улсын аварга О.Хангайг даван шуугиулсан шинэхэн харцага О.Наранбаатарыг чөлөөт бөхийн олон улсын хэмжээний мастер, аймгийн начин Э.Бямбадорж давлаа. Хөлд нь суугаад, сэжиж эргээд давсан юм.

Ийнхүү Өвөрхангайн идэрхэн хоёр харцага хоёрын даваанд унаад байна.