Хоёрын давааны хатуу оноолтуудын хариу гарлаа

Үндэсний их баяр наадмын хүчит 1024 бөхийн барилдааны хоёрын давааны төгсгөл бөхийн хорхойтнуудын анхаарлын төвд үргэлж байдаг.

Яагаад гэвэл яг давааны төгсгөл дээр улсын цолонд ойрхон гэгдэж буй аймгийн арслангууд хоорондоо оноолтоор нугарч таардаг. Жилээс жилд хатуу оноолтод тооцогддог энэхүү төгсгөл дээр энэ жил С.Доржпалам - Б.Шаравдорж, Ч.Алтангэрэл - М.Баяржавхлан, О.Баярбаасан - П.Хүрэлбаатар, С.Ган-Эрдэнэ - Д.Цэрэнням, М.Эрхэмбаяр -Б.Бат-Эрдэнэ нарын зэрэг олон хүчтэй аймаг, цэргийн арслангууд хоорондоо тааран барилдлаа.

Ховд аймгийн Мөст сумын уугуул аймгийн арслан М.Баяржавхлан бүр 2025/26 оны улирлын чансааг тэргүүлж буй бол урьдын адил хүчтэй, арга мэхтэйгээ байгаагаа батлан харуулсан Ч.Алтангэрэлтэй таараад давлаа.

Хөвсгөлийн аймгийн арслан П.Хүрэлбаатар бариа зөрөөний барилдаан дээр анхааралтай байж, золгоо руу шилжиж байгаад О.Баярбаасанг давлаа.

Та бүхэнд хоёрын давааны төгсгөлийн оноолтын дүнг харуулъя.