Ирэх даваа гарагаас халуун ус хязгаарлаж, засвар шинэчлэл хийх байршлууд

Улаанбаатар хотод дулаан хангамжийн шугамын засвар, шинэчлэлийн ажил үргэлжилж байна. "УБДС" ТӨХК-аас мэдээлснээр ирэх долоо хоногийн Даваа гараг буюу долоодугаар сарын 27-ноос наймдугаар сарын 5-ныг (2026.07.27-08.05) дуустал долоо хоногийн хугацаанд дараах байршлуудын орон сууц, ААН, байгууллагын халуун усыг хязгаарлаж, засвар, шинэчлэлийн ажлыг гүйцэтгэнэ.

• Төв гандан, Бөмбөгөр худалдааны төв, Баянбүрд төв, 7-р хороолол, Хангай хотхоны орчмын хэрэглэгчид, 100 айл, Хөгжим бүжгийн коллеж, 11-р хороолол орчим, КТМС, Цэцэг зочид буудал, 12-р хороолол орчмын хэрэглэгчид,
• Тэнгис кино театр, Дипломат 95, Тахь Ко ХХК, Төрийн өмчийн V, XI-р байр, УДДТ-60, 62-с хангагддаг хэрэглэгчид.
• Женекс зочид буудал, Ой мод ХХК, УДДТ-59-с хангагддаг хэрэглэгчид.

Хийгдэх ажил: ДХ-623 цэгт таслах 1Ф700мм хаалт, ДХ-675 цэгт таслах 1Ф400мм хаалт, 1Ф250мм хаалт, ДХ-308-10 цэгт таслах 1Ф300мм голчтой хаалтуудыг тус тус  шинэчлэн солих, урсгал засвар хийхээр болжээ.