Б.Обама 50 нас хүрлээ

АНУ-ын Ерөнхийлөгч Б.Обама­гийн 50 насны ой өчигдөр тохио­лоо. Хэдийгээр ажлын өдөр нь ачаалал­тай байсан ч тэрбээр Цагаан ордны ажилтнуудаа хам­бург, шарсан төмс, хүйтэн зуушаар дайлсан гэнэ. Үүнтэй зэрэгцэн Лос-Анжелест Ерөнхийлөгчийн төрсөн өдөрт зориулж мадам Тюссогийн музейд түүний ойн арга хэмжээг зохион байгуулжээ. Лаагаар цут­гасан Б.Обамад хувийнх нь оёдолч­ны урласан зангиаг зүүл­гэсэн гэнэ. Үүний дараа тэд төрсөн өдөрт нь зориулж ая барьж, амтат бялуу идэцгээсэн аж.

Өнгөрсөн долоо хоногт Б.Обама сонинд ярилцлага өгөхдөө төрсөн өдрөөрөө авах бэлгээ онцолж байсан билээ. Энэ нь АНУ-ын өрийн дээд хязгаарыг нэмэгдүүлэх тухай хуулийн төслийг Сенатаас баталбал түүний хувьд хамгийн том бэлэг байх болно хэмээн онцолж байжээ. Харин уг хуулийг түүний төрсөн өдрөөс хоёр хоногийн өмнө баталсан билээ.

Р.Слава