Эрчүүд хөнгөрөхдөө ч зугаацна

Хана руу хараад бие засаж байгаа эрчүүдэд эрхтэнээ эсвэл хөл гараа хараад шүгэлдэхээс өөр зүйл хийх сонголт байдаггүй. Тэгвэл Их Британийн “Captive Media” компани эрчүүдэд бие засангаа өөрийгөө зугаацуулах боломжийг олгожээ. Өөрөөр хэлбэл эрчүүдийг 00-д бие засах хооронд таны шингэний хэмжээ,  гаргаж байгаа хурд хүч зэргийг хэмжих бөгөөд өөрийнхийгөө бусадтай харьцуулах боломжтой гэнэ. Ингэхдээ 00-ын дэргэд байх мэдрэгчтэй дэлгэцэнд өөрийнхөө нэрийг оруулах бөгөөд улмаар  эндээс эрчүүдийн хөнгөрөхдөө зарцуулдаг хугацааг харж болох юм.  

00-ын дэргэдэх энэхүү дэлгэц нь асуулт хариултын тэмцээн болон цанын уралдаан бүхий янз бүрийн тоглоомтой ажээ. 12 инч бүхий LCD дэлгэц нь цэвэрлэхэд хялбар, хана руу шидсэн ч эвдрэхээргүй бат бөх гэдгийг зохион бүтээгчид хэлж байлаа.

Хачирхалтай энэхүү бүтээгдэхүүнийг Их Британийн цөөнгүй уушийн газар үйлчлүүлэгчээ татахын тулд захиалаад байгаа гэнэ.

 А.Баярмаа