Боаш: Торресийг ямар ч үнээр зарахгүй

Торресийн талаар

-“Торрес, Дрогбатай хамт гарааны эрхийн төлөө тэмцэж байгаа. Энэ бүхэн багийн амжилтад сайнаар нөлөөлнө гэж итгэж байна. Хэрвээ Торрес формоо олчих л юм бол хэн ч түүнийг зогсоож чадахгүй гэдгийг хүн бүр мэдэж байгаа. Тийм болохоор би түүнд итгэж байна”.

Лампардын талаар

-’’Зөвхөн Лампард ч биш гарааны эрхийн төлөө олон тоглогч өрсөлдөж байгаа. “Челси”- гийн бүрэлдэхүүнд багтахын тулд чи сайн тоглох л хэрэгтэй. Лампардыг би хэрэгтэй үед үргэлж ашигладаг. Гэхдээ тоглолт болгонд байнга гараанд багтана гэдэг чинь хэцүү зүйл шүү дээ”.

Дидье Дрогбагийн талаар

-’’Одоохондоо Дрогбагийн ирээдүйн талаар ямар нэгэн зүйл ярихад хэцүү байна. Харин өөрөөс нь асуувал зөв байх. Миний хэлж чадах ганц зүйл бол Дрогба одоо байгаа шигээ сайн байвал гараанд гарсаар л байх болно. Манай бүрэлдэхүүнд олон сайн довтлогчид байгаа болохоор үргэлж талбайд гараад байх хэцүү гэдгийг мэдэж байна. Гэхдээ Дрогба манай багийн харьяалалд байгаа цагт хэзээ ч шугамны гадна үлдэхгүй. Тэр бол жинхэнэ мэргэжлийн тоглогч”.

Эх сурвалж: “Амралтын шуудан” сонин