Мэргэжилтнүүд түүнийг нүүрэндээ яг хаана хаанаа, хэдэн удаагийн гоо сайхны мэс засал хийлгэсэн бэ гэдгийг тооцоолжээ. Энэ долоо хоногт  Хитроугийн нисэх буудалд буусан түүнийг өмнөхөөсөө арай л залуу төрхтэй болсон талаар тэд хардаж байгаа юм. Аялан тоглолт хийгээд, бас шинэ дуун дээрээ өдөр шөнөгүй ажиллаж байгаа гэхэд тэр үнэхээр давгүй  харагдаж байжээ. Тэр хэдийгээр 52-той ч гэлээ 40 шүргэж яваа бүсгүй шиг л харагдаж байна. Үнэхээр бас  л пластик хагалгаа хийлгэсэн юм болов уу... Үүнтэй холбоотой Британийн "Daily Mail" сонин сүүлийн 10 жилд Мадонна ямар мэс ажилбар хийлгэсэн талаарх мэдээллийг цуглуулан цацжээ.

·         Нүүр заслын нэрт эмч,  доктор Эндрю Дуглас –Тэрний дух цаанаа л нэг сэжигтэй харагдаж байгаа биз дээ. Үрчлээс гэж алга. Ийм насны бүсгүйчүүдэд үрчлээс бол том дайсан нь байдаг. Арьсаа татуулсан, эсвэл коллагентай тосон арьс суулгуулсан ч байж болох юм.

·         Хацар. Мадоннаг доктор Фредерик Брандтын улаан фэн хэмээдэг. Тэр эмч эрхэм хацрыг гоё болгоход өөрийн амьдралаа зориулсан нэгэн ажээ. Тэр ч утгаараа поп дуучны хацар ийм сайхан тэгш гадаргуутай харагдаж байгаа гэнэ. Алим мэт дугуй цэвэрхэн, бас залуу харагдуулж байна.

·         Нүд.  Мадонна өөрөө болохоор нүднийхээ эргэн тойрны арьсандаа С ба Е амин дэмтэй үнэтэй  тос хэрэглэдэг гэж ярьдаг байна. Харин мэс засалчид өөр дүгнэлттэй байдаг гэнэ. Доктор Амер Ханы үзэж байгаагаар бүсгүйн хувьд блефаропластикийни тусламжтай зовхио татуулсан ажээ.

·         Хамар. Эмч нарын хувьд Мадоннаг хамрандаа хоёр ч удаа ринопластик хагалгаа хийлгэсэн гэж байгаа билээ. Өмнө нь түүний хамар яг итали хүнийх шиг том, бомбогор хэлбэртэй байсан гэжээ. Харин одоо бол бага зэрэг өндөрсгөсөн нарийн... Хамрын хоёр талаар мэс засал хийлгэсэн гэх сорви бүхий ул мөр ажиглагддаг байна. 

·         Уруул. Инъекцийн туслалцаатай уруулаа томсгосон нь ч гарцаагүй ажээ. Ялангуяа дээд уруул нь залуудаа огт өөр байсан гэж Амер Хан хэлжээ.  

·         Арьс. Энгийн нэг крем болон массаж нүүр болон биеийн арьсыг ийм гэрэлтэй, гэгээтэй, эрүүл харагдуулж чадахгүй юм байна. Харин лазерийн гэрлийн туяаны тусламжтай арьсны гадар хэсэг ийм цэвэр харагддаг ажээ. 

·         Хүзүү. Магадгүй пластик хийлгэсэн. Түүний нүүрний арьс нэг л татагдсан, толигор харагдана. Ийм насныхан бол ингэж харагдахгүй гэнэ. Тэгээд ч түүний чихний араар шарх байгаа юм. Иймээс тэр дугуй хэлбэрийн таталт нүүрээ тойруулан хийсэн бололтой гэнэ. Өнгөрсөн онд ингэсэн хэмээн доктор Хан баталж байгаа юм. 

Р.Слава