Энэхүү машины дохио адил оньсого мэт гэмээр хүчтэй дуу олон оронд сонсогдоод байгаа билээ. “Түгшүүрийн дохио” гэж нэрлээд байгаа зүйл одоогоор Европ болон Канадын тэнгэрт сонсогдсон хэмээн тэмдэглэгдлээ. Германд л гэхэд видеокамераар бичсэн чимээг YouTube-ийн видеохостингт байршуулсан байна. Тэр нь тэнгэрээс дохиот сигнал дуугарах мэт сонсогдож байгаа чимээ юм. Үүнтэй холбоотой интернетээр олон талын таамаглал, тайлбарууд ч бичигдэж эхэлсэн байна. Үүнийг зарим нэг нь ертөнцийн төгсгөл ойртож байгааг сануулахаар Иисус эргэн ирсэний шинж тэмдэг гэж тайлбарлаж байна. Харин мэргэжилтнүүд өөр өөрсдийн саналыг илэрхийлээд эхэллээ. Тэдгээрээс сонирхвол Канадын Их сургуулийн Профессор физикч Жан-Пьер Санкт-Маурис үүнийг туйлын туяанаас үүсч буй цахилгаан соронзон орноос үүсэн гарах хүчтэй чимээ гэсэн бол Оклахомагийн геофизикч Дэвид Деминг энэ бол дэлхийн хүн амын 2-10% нь л сонсож чадах, газар зүйн хэсэгчилсэн үл мэдэгдэх чимээ /The Hum/ гэлээ. Үүнийгээ АНУ-ын агаарын нисэх хүчнээс тэнгис байрлалд өгөх холбоо харилцаанаас үүссэн байж ч болзошгүй гэжээ. Харин НАСА-гийн зүгээс –Хэрвээ хүнийг радио антенн гэвэл бид маш олон төрлийн дуу авиаг сонсож чих маань зав чөлөөгүй мэдээллийг дамжуулна. Жинхэнэ симфони хөгжим эгшиглэх болно. Олон тооны үл мэдэгдэх дуу чимээ тэнд оршино. Харин үүнийг эрдэмтэд агаарын шивнээ гэдэг хэмээн тайлбарлаад байгаа. Харин иргэдийн хувьд өмнө нь ийм зүйлийг сонсож мэдэж байгаагүйгээс сэтгэл санаа нь тавгүйтэх, айх байдал тухайн бүс нутгуудад ажиглагджээ.     

Р.Слава