Японы газар хөдлөлт дахин гурван хүний амийг залгилаа

Японы зүүн хойд хэсэгт  Сендайгаас 65 км, Фукушимагаас 115 км-ийн зайд 7,4 магнитутын хүчтэй газар хөдлөлт  болсныг  өчигдөр мэдээлсэн билээ. Энэ газар хөдлөлтөөр гурван хүн амь үрэгдэж, хэд хэдэн байшин нурж, 3.6 сая айл цахилгаангүй болжээ. Японы Засгийн газар пүрэв гаригийн газар хөдлөлтийн дараа мөн цунамигийн аюул дагалдаж болзошгүйг ард иргэддээ сэрэмжлүүлсэн ч азаар тийм зүйл болсонгүй. Гэвч 90 минут орчим далайн хүчтэй давалгаа эрэг хавийг бүрхсэн байна. Үүний өмнө буюу 3-р сарын 11 нд болсон аймшиг газар хөдлөлт, цунамигийн хор хохирлыг бүрэн тооцож гаргаагүй байгаа ч одоо мэдэгдэж байгаагаар 12.700 хүн амь үрэгдэж, 15.000 орчим хүн ор сураггүй болсонд тооцогдож байгаа гэнэ.

Д.Сэндэр Zindaa.mn