Олон Улсын Валютын сан болон Дэлхийн банкны хамтарсан уулзалтын үр дүнгээс

Вашингтонд болж буй Олон Улсын Валютын сан (ОУВС) болон Дэлхийн банкны хамтарсан уулзалт дээр ОУВС-ийн хүчин чадлыг бэхжүүлэхэд Жи-20-ийн гишүүн орнуудын оруулсан хувь нэмрийг ОУВС-ийн дарга хатагтай Лагарьд өндрөөр үнэлж, сэтгэл хангалуун байгаагаа илэрхийллээ.  Евро бүсийн санхүүгийн хямралын эсрэг тэмцэхэд ОУВС-д нэн шаардлагатай байсан 400 тэрбум ам.долларыг гишүүн орнуудын зүгээс 430 тэрбум ам.доллар болгон нэмэгдүүлэн гаргахаар шийдвэрлэсэн нь “маш чухал хамтын бүтээл” гэж хатагтай Лагарьд үнэлэв.

2010 онд ОУВС-д хөгжиж буй орнуудаас санал болгосон санал хураалтын өөрчлөлтийг энэ оны 10 сард болох уулзалтаас өмнө хэрэгжүүлэхээр тохирчээ.