60 настай эмэгтэй гурван ихэр хүүхэд төрүүллээ

   60 настай итали эмэгтэй Мария Аддолората Монтуори гурван ихэр хүүхэд төрүүлжээ.

     Хэдийгээр үр шилжүүлэн суулгах ажиллагаагаар ертөнцөд мэндэлсэн ч энэ бол үнэхээр гайхамшиг хэмээн хүүхдүүдийн ээж ярьж байна.

     Одоогоор анхны төрөгч “залуу” ээж болон түүний хоёр хүү, нэг охины биеийн байдал сайн байгаа аж. Хүүхдүүд тус бүр нь 1500 грамм жинтэй төрсөн ба 2.5 килограмм болтлоо эмчийн хяналтанд байх шаардлагатай юм байна.

     Тэдний эцэг, эх маш их аз жаргалтай байгаа бөгөөд 15 жилийн турш эмчилгээ хийлгэн, нэг удаагийн үр шилжүүлэн суулгах явц амжилтгүй болон үр хүүхэдтэй болох итгэл найдвар бараг үгүй болж байжээ.

     Мария Аддолората ихрүүдийг төрүүлсний дараа бүсгүйчүүдэд хандан:”Бүү шантраарай, мөрөөдөл биелдэг юм байна. Би энэ аз жаргалыг олж авахын тулд бүтэн 15 жил уйгагүй явсан” хэмээн өгүүлжээ. Нөхрийнх нь хувьд анхны гэрлэлтээсээ насанд хүрсэн хоёр хүүхэдтэй ажээ.

Д. Мягмарсүрэн