Adele-ийн The Royal Albert Hall-д хийсэн тоглолт

Адель Лаури Блю Эдкинс (Adele Laurie Blue Adkins) буюу дэлхийд Adele нэрээрээ танигдсан поп-джаз соул стилиэр дуулдаг Английн алдарт дуучин 1988 оны 5-р сарын 5-ны өдөр Лондонгийн урд зүгт байрлах Энфилд хотод төржээ. 2007 онд түүнийг Эми Уайнхаусын шинэ дүр төрх гэж үзэж байсан бол нэг жилийн дараа гэхэд түүнийг Этта Джеймс, Дасти Спрингфилдийн үргэлжлэл гэж нэрлэх болсон.

2008 оны 1-р сарын 28-ны өдөр тэрбээр “19” хэмээх анхны цомгоо гаргасан даруйдаа “UK Albums Chart”-ийг тэргүүлж, 2008 онд Mercury Prize-д нэр дэвшчээ.

2011 оны 1-р сарын 24-ний өдөр Их Британид түүний хоёр дахь цомог болох “21” гарсан ба АНУ-д 2-р сарын 22-нд цомгийнхоо нээлтийг хийсэн. Цомгийн эхний дуу болох “Rolling in the deep” Billbaord Hot 100 дууг бтэн долоо хоногийн турш тэргүүлсэн нь Английн дуучдын хувьд маш ховор тохиолдол болжээ. Түүний цомог Их Британи, Ирланд, Герман, Голланд, Шинэ Зеланд, Швейцарь, Австри, Бельгийн хит парадыг зургаан долоо хоногийн турш, 2011оны 3-р сард Billboard 200-г тэргүүлжээ.

Түүний хоёр дахь сингл “Someone like you” нь Их Британид тэргүүн байр эзэлсэн юм. Адель 2 цомог, 2 дуугаараа эхний тавд байнга тэргүүлснээрээ түүхэнд The Beatles(1964)-ийн ард жагсч чадсан юм.

Адель хоолойны хагалгаа хийлгэх болсноор 2011 оны 11-р сарын эхээр бүх тоглолтууд нь хойшилсныг зарлажээ.

2012 оны эхээр Аделийн “Set fire to the Rain” дуу нь АНУ-ын үндэсний хит-парадыг тэргүүлж, Биллбордын 100 дууны нэгт жагсжээ. 2012оны 5-р сар гэхэд Аделийн “21” цомог нь Их Британид 4,237,300 хувь хэвлэгдэж, энэхүү цомог нь Их Британийн үе үеийн хамгийн их амжилт гаргасан цомогт оржээ.

2012 оны 2-р сарын 22-ны өдөр The Royal Albert Hall-д болсон концертынхоо өмнөхөн тэр үсээ шараар будсан тухайгаа тоглолын үеэр ярьсан юм. Альберт холлд болсон тоглолтынх нь дараа түүнийг ямар хүн болохыг мэдэхэд хангалттай. Адельд төрөлхийн вокаль дуу хоолой заяасан, тэр тайзан дээр бүх сэтгэл зүрхнээсээ дуулдаг. Дуунууд нь шилмэл, алиа шооч зантай ч ид шидийг үзүүлдэггүй. Зөвхөн “Rolling in the deep”-ийг сонсоход сэтгэл хөдлөхгүй байхын аргагүй. Тоглолт нь үнэхээр янзтай болсон ч ахиад л нэг асуулт үлдэж байна. Адель зорьсондоо хүрсэн үү, эсвэл бүх юм дөнгөж эхэлж байна уу?

Тоглолтыг бүрэн эхээр үзэхийг хүсвэл ЭНД дарна уу.

Б.Дөлгөөн