Калифорнийн эргээс 4 тонн хар тамхи олджээ

    Ройтерс агентлагийн мэдээлснээр Номхон далайд Калифорнийн эргийн ойролцоо америкийн хил хамгаалагчид нийт 4 тонн жин хүрэхээр хэдэн арван шуудай марихуан олжээ.

     Тус бүр нь 3,66 килограмм жинтэй, 180 ширхэг ус нэвтэрдэггүй шуудайтай марихуан эргээс 19 километр зайд хөвж явсан аж. Эргийн хамгаалалтын албаныхны өгүүлснээр хар тамхины наймаачдын иймэрхүү ачаа  элбэг тохиолддог ч ийм их хэмжээтэйгээр олдож байгаагүй гэсэн байна.

    Калифорнийн эргийн дагуух энэхүү зам нь элдэв контрбанд, хар тамхи зөөвөрлөх, Мексикээс хууль бус цагаачдыг оруулдаг гол зам юм байна.

Д.Мягмарсүрэн