87-той өвөө гардан тулаанд ялжээ

Забайкальскийн хязгаарын Казанова тосгоны 87 настай ахмад дайчин Павел Васильевич гэрт нь орж ирсэн дээрэмчинтэй ана мана үзэлцэн, түүнийг цохиж амь насыг нь егүүтгэжээ.

Тосгоных нь оршин суугч 35 настай тэрхүү этгээд цонхыг нь хагалан гэрт нь орж ирэн өвгөнд хутга тулгаж, бүх хурааж цуглуулсан мөнгө, одон медалиудаа өгөхийг шаардсан байна. Уг дээрэмчин нь шоронгоос оргоод хэдэн сар эрэн сурвалжлагдаж  байсан этгээд аж.

Хүч тэнцвэргүй энэхүү тулаанд өвгөн нилээн хүнд  хэлбэрийн хутганы шарх авсан ба одоогоор эмнэлэгт уушигны хагалгаанд орон, бие нь тийм ч сайнгүй байгаа юм байна. Хэргийг цагдаагийнхан шалгаж байгаа аж.

Д.Мигаа