Нүдний шилт ”Шинэ охин”

“Фокс теле” студийн бүтээл болох “Шинэ охин” олон ангит кино өнгөрсөн оны есдүгээр сард нээлтээ хийсэн. Харин одоо уг цуврал хүн бүрийн тэсэн ядан хүлээдэг кинонуудын нэг болжээ. Джесс Дэй (Зои Дешанель) найз залуугаа араар нь тавьж буйг мэдмэгцээ амьдралдаа өөрчлөлт хийхийг хүснэ. Шинэ охин болох гэсэн түүний өөрчлөлт Шмидт, Тренер, Ник гэх гурван залуугийн байранд нүүж орохоос эхлэдэг. Шмидт бол хүмүүс түүний тухай юу бодож байгаад байнга санаа зовж явдаг нэгэн. Харин Тренер бүсгүйчүүдтэй хэрхэн харьцахаа мэддэггүй хайр, дурлалын туршлагаар маруухан эр. Гурав дахь залуу бол Ник. Тэрээр найз бүсгүйгээсээ салаад  шаналж байгаа ч хоёр найзыгаа бодвол арай шаардлага хангасан нь. Тиймээс Никийн Джесстэй үүсгэх хайрын харилцаа нь төвөггүйхэн бүтэх болно.

Харин гол дүр болох Джесс бага зэрэг тэнэгдүү, гэнэн, шударга, үнэнч гээд олон эерэг талуудтай. Үргэлж бүтэлгүйтдэг нүдний шилт охиныг цаашид ямар үйл явдлууд хүлээж байгаа бол. Энэ тухай үзэхийг хүсвэл  ЭНД дарна уу.

Б.Дөлгөөн