Хоёр залуу өөрийгөө зулын гол болголоо

Түвдийн нийслэл Лхас хотын  Жохан ариун сүмийн үүдэнд уржигдар хоёр залуу өөрсдийгөө  зулын гол болгожээ. Тэдний нэг Доржээ Цэтэн хэмээх 19 настай эр газар дээрээ нас барсан гэдгийг Хятадын засгийн газраас мэдэгдэж байна. Үүнтэй холбоотойгоор Хятадын хууль сахиулагчид  Лхас хотыг  цэргийн хяналтанд аваад байгаа аж. Үүгээр ч зогсохгүй зулын гол болсон Доржээгийн ажлынхныг баривчлан саатуулаад байгаа гэнэ.

Он гарсаар 30 гаран хүн зулын гол болоод байгаа бөгөөд тэдгээррээс анх удаа Түвдийн нийслэл Лхас хотод өөрийгөө золиослосон нь Доржээ болоод байна гэж Түвдээс мэдээллээ.

А.Баярмаа