Рублийн “хар лхагва гариг”

Оросын рублийн доллартай харьцах ханш өчигдөр 60 копеекоор эрс унаж, 32,78 болон 2011оны аравдугаар сараас хойшхи үзүүлэлтээр дээд хэмжээг тогтоожээ.

Brent маркийн нефть 2.63% буюу нэг баррелийн үнэ 103,88 доллараар,  Light маркынх 2.64% буюу 88.36 доллараар буурчээ.

Тавдугаар сарын дунд үеэс эхлэн оросын валютын бусад орны валюттай харьцах үзүүлэлт аажмаар буурсан аж. Өнгөрөгч долоо хоногт рублийн ханш огцом хэлбэлзсэн нь евро бүсийн нөхцөл байдлын хурцдалт, дэлхийн зах зээл дээрх нефтийн үнийн бууралттай холбоотой үүссэн байна.

Нефтийн ханшийн бууралт, рублийн уналт нь орост инфляцийг хурдасгаж байгаа ажээ.

Д.Мигаа