Нисгэгч хүмүүсийг аврахын тулд өөрийгөө золиосолжээ

Белорусийн Новопрутск районы Новина тосгоны ойролцоо байлдааны шумбагч Су-25 онгоц осолдож нисгэгч нь амь эрсэджээ.

Энэхүү онгоц нь Белорусь болон Оросын байлдааны зэвсэглэлд байдаг хамгийн найдвартай онгоцуудын нэг аж. Амь үрэгдсэн нисгэгч Гриднёв Николай Геннадьевич нь маш туршлагатай, 1-р зэргийн нисгэгч байжээ.

Түүнийг тосгоны дэргэд буухыг диспетчер тушаасан боловч тэрээр хүмүүсийн амь эрсдэхээс сэргийлэн тосгоноос холдон хоёр зуун метрийн зайд сүйрсэн байна.

Одоогоор хэргийн газарт иргэний болон цэргийн мөрдөн байцаагчид ажиллан учир шалтгааныг тодруулах оролдлого хийж байна. Нисгэгчийн амийг аварч чадаагүй нь нэмэлт шалтгаануудыг тодруулахад хүндрэл учруулж байгаа ажээ.

Д.Мигаа