Алга болсон “царцаа ногооны” ул мөр олджээ

Свердловск мужид алга болоод 9 хонож байгаа АН-2 онгоцны боломжит нислэгийн талбайд эрлийнхэн тосон толбо олжээ.

Серов хотоос хойд зүгт усны мандал дээр их хэмжээний тосны толбо ажиглагдсан нь алга болсон онгоцны ул мөр байж болзошгүй хэмээн үзэж байгаа аж. "Интерфакс" мэдээлснээр бүх аврах багийнхан тосны ул мөр олдсон тэр зүг хөдөлжээ.

Хүчтэй ширүүн борооны улмаас аврах багийнханд хүндрэл учирч байгаа аж.

Д.Мигаа