Хамгийн хөгшин тэрбумтан нас барлаа

Дэлхийн хамгийн өндөр настай тэрбумтан Уолтер Хефнер 102 насандаа Швейцарид нас барлаа. 19-ний өдөр нас барсан боловч өнөөдөр л нийтэд мэдэгдсэн байна.

Автомашины худалдаа эрхэлдэг түүний компанийн сайт дээр “урт удаан бөгөөд сонирхолтой амьдралыг туулсаар нас эцэслэлээ” хэмээн өгүүлжээ.

“Форбс” сэтгүүлээс гаргадаг дэлхийн баячуудын жагсаалтанд Швейцарийн тэрбумтан өвөө 242-т бичигдсэн ба нутагт нь түүнээс илүү хөрөнгөтэй 2-хон хүн байдаг аж.

Түүний хөрөнгө ойролцоогоор 4,3 тэрбум доллар ба автомашины импорт болон мэдээллийн технологийн хүрээнд бизнес эрхэлдэг байжээ. Тэрээр америкийн «CA Technologies» корпорацийн ихэнх хувьцааг эзэмшдэг юм байна.

Түүний дараагаар баячуудын хамгийн ахмад нь Рокфеллерийн удмынхны тэргүүн америкийн банкир 97 настай Дэвид Рокфеллер орж байгаа ажээ.

Д.Мигаа