Дэлхийн хамгийн царай муутай нохойг шалгаруулжээ
Америкийн Калифорни мужид жил бүр зохиогддог энэхүү тэмцээнд “хятад залаат” үүлдэрийн Магли нэртэй нохой ялагчаар тодорчээ.
8 настай, хүрэн өнгөтэй энэхүү нохойны царай муутай байдал нь шүүгчдийг гайхшруулсан аж.
Тэрээр хоёр нүднийхээ хооронд овойсон сонин хоншоортой, нүүрнийхээ энд тэнд замбараагүй ургасан урт богино цагаан үснүүдтэй, духнаас нь хамар хүртэлх хачин үснүүд нь түүнийг тэнэг байдалтай харагдуулж байжээ.
Нохойны эзэн нь Бев Николсон хэмээх англи бүсгүй ба энэхүү царай муутдаа үнэн нугасгүй хайртай аж. Тэрээр өөрийн орондоо энэхүү алдрыг хүртэхэд нь Маглидаа сайн тусалсан байна.Ингээд бүр дэлхийн хэмжээнд нэр алдраа цуурайтуулахын тулд матар царайт Маглигаа дагуулан тив алгасан уг тэмцээнд оролцож ялан гоёмсог цом, 1000 долларын шагнал хүртжээ.
Д.Мигаа
Холбоотой мэдээ
Сэтгэгдэл ( 0 )