Хоёр хүүгээ алсан ээж шалтгаанаа ярьжээ

Долгопрудный хотод 15 давхрын тагтнаас хөвгүүдээ шидэж амь насыг нь хөнөөсөн хэргийн бурууг эцэг эх нь бие бие рүүгээ чихээд байгаа ажээ.

27 настай Галина Рябковагийн нөхөр түүнийг муу эхнэр, ээж байсан хэмээжээ. Харин эхнэр нь хариуд нь нөхрөө эхнэр хүүхдүүдээ хаяж явсны улмаас өөр гарах гарцгүй болж уг хэргийг үйлдсэн гэж үзэж байгаа аж.

Нөхөр нь орхиж яваад хоёр долоо хоносны дараа Волгоградаас ээжийнх нь явуулсан мөнгө дуусан юу ч үгүй болжээ. Тэгээд бүсгүй хүүхдүүдтэйгээ хамт амиа хорлохоос өөр замгүй гэж шийдсэн байна. Хоёр ч удаа цахилгаан гүйдлээр өөрийгөө болон хөвгүүдээ хороохыг хүссэн боловч амжилтгүй болжээ.

Ингээд бүсгүй хүүхдүүдээ цаасан онгоц хөөргөж тоглоё хэмээн 15 давхрын тагт руу дагуулж гарсан байна. Том хүү нь гараас нь мултрангуут бага Родионыг шүүрч аван шидсэн байна. Дараа нь Вовагаа шүүрч аван өргөтөл хүү бүхнийг ойлгон, хашгирч уйлсан байна. Ээж нь түүнд ингэх хэрэгтэйг хэлэн “Уучлаарай, хүү минь” хэмээн шидсэн ажээ.

Д.Мигаа